....... غاوي السلوم .........
بمناسبة عيد الام كل عيد وجميع امهات العالم
بالف خير بهذا العيد المبارك واخص بالذكر
زوجتي لانها الام والحبيبة والاخت والزوجة
............. القصيدة .............
ب نهار عيدك جيت يا امي
لاعترف قديشك مهمة
انتي اللي زرعتي الحب والايمان
ب كل نقطة دم من دمي
ياما بظل جناحك الدفيان
دفيت حالي وانفرج همي
وياما كنت اوقع انا وتعبان
وتركضي لا ابنك تلمي
وياما حرمتي جفنك النعسان
يغفى قبل ما بسمتي تشمي
وانتي اللي عطيتيني قلب انسان
وكنتي بعطائك قمة القمة
انتي الكبر والعز والوجدان
انتي الوفاء والصدق والهمي
انتي العطاء والعطف والحنان
ولولا وجودك هالدني رمي
حبك بقلبي خلجة الشريان
واسمك عطر دايب على تمي
وكل مامرق عيدك ع هالدني
بشوف قلبك عايش ب هالعيد
وبشوف قلبي مع قلب امي
ليست هناك تعليقات:
إرسال تعليق