بقلم الشاعر"سامح الشناوي"

شعر (ياقلبي صارحه)

لحد أمته.
كاتم في قلبي

ولحد أمته
هفضل مخبي

ده قدام عينيا
 قويني ياربي

داانت عالم بيا
 بحيرتي وهمي

مش يبقي حرام
 أداري الكلام

معرفش أصارحه
 ويمسكني اللجام

مالك ياقلبي
 ايه بس اللي حايشك

ده قريب مني
وايه  اللي بعدك

قوله وصارحله
 ليرميك في جرحه

تندم وتقول ياريتني
كنت صارحتك

شايفك ياقلبي
 دايما كده ملخوم

ناره بتاكلني
 وعلي راسي الهموم

طلع اللي مداريه
 ده بقاله سنين مكتوم

وقلبي دايب فيه
 خلاص بقى موهوم

عمر الحب ما كان مشكله
دايما بيجمع من دا ودا
اوعاك ياقلبي تداري
لأحسن ناره مشعلله