بقام الشاعر"لؤي سمير"

.......بقلم لؤي سمير ............
**************لامتني*****************
تعبانة والروح ڨالت تعبانة....ڨالتلي مليت من بُعدك وعييت
من بعدك للڨلب راني كفانة...غسلتو بدموع عينيا وبكيت
من وحشك وليت سهم الجبانة...راني ضركة قاصدة للموت مشيت

نار فراڨك ياحبيبي محَّانة...مليوعة والشوق ساكني عفريت
ياويلي من حر شوقك ولهانة....طوَّل صيف الوحش بيا ماحسيت
وتوحشت نسوم هبت بهوانا....وتبرد جمر الفراق الي ڨديت
ماڨديتش للمحاين في هانة....لوتدري بالي عڨب عني عديت
في بعدك وليت مثل العريانة...كنت كسايا ياحبيبي وتعريت
فوق الشوك مشات رجلي حفيانة...شوك اللسنة في ڨدامي مانحيت
كنت نباهي بيك فخرة وشنانة...مثل الراية في سمايا كي عليت
وعلى خدي كنت وشمة والخانة...وڨبال العذال وجهي ماغطيت
كنت نغني في غرامي فرحانة....نستنى في يوم عرسي بزغاريت
كنت نوجد في جهازي زربانة....حتى مالفستان لبيض ليه شريت
ياسر ماللبنات تبكي غيرانة.....لما تڨرب دخلتي دخلتي في ذاك البيت
لوحة حلمي رسمتهالك بحنانة....في ڨلبي باب المحبة كي حليت
واتمنيت يجي الوعد ويلڨانا...بين صباعي خاتمك ، يدي حنيت
وتخرجني بالمكاحل مليانة....والبارود وريحتو راني شميت
ماضنيت دور عني بخاينة...وتهدم قصر الهوى الي ليك بنيت
وترجعني ليه صيفك عطشانة...بعدن ما عن واد حبك نا جبيت
يامن كنت ڨبيل تسڨي من مانا...عن زمزمنا لاه يا خاين ڨفيت
صبينالك بالوفى كاس حنانة....بالفرحة والحب هاذ الكاس مليت
عتقتو في ليل حبي حيرانة....ياريتو ذالكاس عمري ما صبيت
 نسأل فيك علاش خنت الامانة....ووعودك وعلاش ليها ماوفيت