هايم مع لفراق
غاوي لعتاق
الى كان على قلبي فاق
عمر ليك لا نشتاق
داز الزمان عل النفاق
ايام وليالي الارهاق
كانت حكايتي عنوانها لحماق
فعيون الناس مكتوب فالافاق
اش صبرني على طريقك؟ كبدتي
تتشوى ما بغيت ليها لحراق
اش صبرني عل لجفا
طريق الشوك او لحفا
راسي بين الناس يتلوا
وردة في شبابها بغيتها تزها
حتى لا تبقى شفايةللعدا
اليوم شد عودها شدت لعلا
شافت في وجهي قرات لعزا
قالت كيف ياروحي في حياتي تتخبى
ايامك كلها حزن ما عندك ليها معنى
قلت ليها يابنتي خايف يوم إجيني لفنا
تبقاي عرضة للتيه أو لجفا
طول الله فلعمر حتى شفت رجليك بالحنا
هاذا سري من سنين حامل هم لعمى
اكبرتي يابنتي تعلميني كيف انشد اللقمة
فرحتي بيك اصبح ليها معنا
حررتيني من قيود النقمة
مهدتي لي الطريق بدموع الشمعة
كنت خايف على خدك من الدمعة
ها انا اليوم ناوي انجدد الجدرة
هاكذا حكمت عليا وعليك القدرة
حيات جديدة طريق انعيدو فيه النضرة
عليك وعليا تقلال الهدرة
انتي في شط الامان خليتلك السترة
هاز رحيلي ها العنوان يوم تحسي بالقهرة
بوك نبقى بوك لاتخافي يغلبوك
حياتي صبح ليها شان قلبي ليه مشروك
بعد الشيب حيا شبابي
قد فراشي مديت رجلي
طلبتها نقلة طرابها من طرابي
حن ليها قلبي انسيت عذابي
ريحتها مسك عطر الغالي
لسان انقط عسل حرف فلمعاني
عينيها حكمة ذاك مكواني
نساتني حر لجمار كانت في ايامي
ضحات بالغالي والنفيس جات تابعاني
سوآل ترحتو هي عليها مجاوباني
يا ولد الناس قصتك هي مدوباني
هم ما يهزوه غي ولاد الناس عقولهم غني
ماتسيح دمك في مجاري
هاذو ناس قلال في عصرنا الخاوي
ماهمني سروالك بلا جيوب
وقميص بلا ربطت لعيوب
عليهم بنيت المكتوب
حليت ليك الباب لبيت المطلوب
نطلب الله عليك وعلينا إنوب
إقيد لقلوب الى يوم ما منو هروب
العربي الناصري***
ليست هناك تعليقات:
إرسال تعليق