القرار بجد صعب أنك تعيش جوه نار
الحياة ما بينا واقفة والسنين قالت كلمتها
مش هنعيش مع بعض تاني
وهو مين مسمعلهاش
الحيا بقت ما بينا. زي عربية قديمة واقفة
واقفة متغطية بقماش الكل عليها باصص
بس مبيرحلهاش
ما الحياة يأما نعشها يا خسارة العمر يروح بلاش
السنين قالت كلمتها مش هنعيش مع بعض تاني
كل واحد له دماغة له حكاية عكس التاني
له حكاية في خيالة
وللأسف لاعارف يعيش حقيقتة
أوحتي يسرح في خيالة..
التفاهم بجد نعمة واللي يحس الكلام
وانتي ليه بجد واقفة ومستغربه لكلامي
بجد تفكيرك محتاجلة جلسة
أو يدخل سنين في الانعاش
واللي شايفة اني انسي حاولت أغيرك كتير فيكي
و مفيش طريقة معملتهاش
وأحاول ليه مع حد شاكك
مستني يمسك ليه غلطة وإن مسكها مهينساهاش
القلوب لو مكنتش حاسة يبقي ازاي قصة حب هتتعاش
السنين قالت كلمتها مش هنعيش مع بعض تاني
وهو مين مسمعلهاش
دي الحكاية ودي أخرها. ويلا بالخير افتكرها
الحكاية جزء واحد. والله حتي مكملنهاش
#همس الوليد
ليست هناك تعليقات:
إرسال تعليق