*** العيشه مُره
---------------
اصبـر يا قلبي والحارس الله
اصبر وصبرك كله علي الله
مش أول مرّه ولا تاني مـرّه
دي بقت هوايه والعيشه مُره
طولت هجرك حيرت فكري
الصبر مُر وأيه بعـد صبري
تعبـت قـلبي ودَبـِّلت زهـري
ارحم ياقلبي دي العيشه مُره
من يوم ما شفتك بدلت حالي
غيرت فكـري وشغلت بـالي
وسرقت نومي طـول الليالي
قلبي وحيـد و روحي حايّـره
انـا كُـنت قـبلـك بـدر البـدور
ما ليـش مثــال بين الزهـور
محتـاج لفـرحه وحَبِةْ سرور
لا شفت راحه و العيشه مُره
يا حُب قـوله ما يعيدها تـاني
النوم فارقني والشوق عَمَاني
كان عشمي إنه يعودلي تاني
وأمـلا عيني من حُسنـه مـرَّه
سلِمت أمـري لعالِم الأسـرار
لخالق الحُب والليـل والنهـار
يهدِّي حبيبي ميخلنيش احتار
مبحبش ملام والشكوي مُـره
-------[مبروك البنا]-------
ليست هناك تعليقات:
إرسال تعليق