ناس كارهه نفسها
***************
ياما في ناس كارهه نفسها
ولما تشوفك تبص في الأرض
وإن طالتك تقتلك بسمها
و عاملة تقية وبتنقر الفرض
**********************
غشاشة نمامة حسادة غلاية
مش عارف أوصف شكلها
عيونها مدورة زي الحداية
حويطة خبيثةالشر في دمها
*********************
تغشك و تضحك في وشك
تغدر عليك وتبيعك في ثانية
وأنت ياعيني من طيبتك
تتكلم معاها بنية صافية
*********************
وفي كل مرة نقول ونعيد
يمكن حالها المايل يتعدل
الظاهر ان العود الحديد
مهما تعدله عمره مايتعدل
**********************
معقولة في خلق بالشكل ده
نعرفها ازاي ماتقولي ياخال
ماهي دنيا غريبة علي ده وده
وملابس مدارية في كل الأحوال
***********************
بسيوني صديق
ليست هناك تعليقات:
إرسال تعليق