حوار عن الزعل . طبعا من وحي الخيال.. شعبي
بدأت و قالت
لا تروح مني
تعال و انسى الزعل
و خليني احبك
و حبني مثل ما أحبك
و خلي حبك الي
كامل
وانسى القيل و القال
وخلينا نعيش
بلا مشاكل
صير انت بمكاني
وقرر شمتريد
وشتقرر حبيبي
اني قابل
تعال انسى الزعل
خلينا ننسى الراح
وأبدي وياي
صفحة جديده
خليك متفاءل
ألف مرة غلطت
ومرة غلطت وياك
ياابن الناس
احسبهه تعادل
حبيبي ارجوك
خلي أنصفي الگلوب
و لا تظل تصد
و مو انتَ عني سائل
....
كان ردي.......
اجيتچ ومسحت
كل شي وأكَلبت
صفحه جديده
وكَابلتيني بالمشاكل
وأكتبت لي همومك
جريده
عن أي تعادل
تكَليلي أعليه
من شوط الاول
احسبت ألي
ضربة جزاء
وصارت آمالي
بعيده
وقررت أكتبلچ شعر
ومعرفت اكتب غزل
لو اخيطلچ
من جروحي قصيده
وكل هاي وهم أكللچ
أهلا بيچ وبردتچ الي
بس كون هالمره
تنكَلب حياتي سعيده
حسان ألأمين
ليست هناك تعليقات:
إرسال تعليق