يا قلبى اسكت. ياقلبى ريح
بتقلب فى ايه.وعمال تفتح
بتصحى ليه كوم زكريات
بتمسيى عليه وكمان بتصبح
بسكينه حاميه.وفيا.تدبح
انسى اللى راح. راح وفات
ما ترجعوش . مشى وروح
ياقلبى ليه ما بتسمعنيش
وفيك تملى ياما كنت بنصح
حاسس بإيه. وما قلتليش
بلاش تخبى. عايزك توضح
اسكت ياقلبى.ومتهدنييش
علشان ياقلبى. الدموع بتفضح
سيبك ياقلبى .من الجراح
واترك وعيش.وبكره تفرح
عارف ياقلبى .اوحش مافيك
لما . تقعد.وحدك وتسرح
بتشيل هموم وتشيل مواجع
وتقل نومى. ف كل المضاجع
وتحنى.راسى.وانا ليها رافع
وتسيل دموعى.والدمع لاسع
ولصوت انينى.الكل سامع
تعبت جسدى. وفيه بتقطع
انسى وطنش.وبلاش تلاوع
انسى.اللى فات.ماعدش راجع
حاسب يا قلبى.من شيل همومك
احسن.ف لحظه الزمان يخونك
اياك ياقلبى.يشطح جنونك
وتعيش تعيس. ويصفر لونك
واسكت.وسدد دفاتر ديونك
وبلاش .انين.وارحم ظنونك
وارحمنى.وارحم دمعه عيونك
خايف عليك.من زكرى.عدت
لكن ماسكاك..وياما .ضرت
يبقى اعتبرها.سحابه مرت
مش كل لحظه.نلقاهاظهرت
وآلقى الدموع وراها فرت
أهدى.ياقلبى.وبلاش مناهده
مالهاش لازمه.ولاليها فايده
غير نار بترعى جواك وقايده
اعذرني اسف مكنتش اقصد
اسيت.عليك.حبه.ف كلامى
ولا كنت ليك ابدا بهدد
ولا كنت عايز أوجه ملامى
ولقيتنى.فجاه وبدون تردد
أعتب عليك.واقولك كلامى
وافهمك.وعليك .أوؤكد
واقول.مليت.نقص ابتسامى
جايز يا قلبى الفرح يزورنا
وبعد الظلام. يهل نورنا
اكيدوحتما هييجى دورنا
يمكن عشان.بقضائناصبرنا
وقول يارب هتطفى نارنا
الأديب /عماد كورشى
حقوق النشر والملكية محفوظة
ليست هناك تعليقات:
إرسال تعليق