العيون هيه هيه
لكن تاهت النظرات
زايغه دايما ف كل ناحيه
بتصرخ جواها آهات
حلمها سافر بعيد
والأمل جواها مات
راحت فين البراءه
فين راح الحلم السعيد
لما كانت الضحكه رايقه
كل يوم أمل جديد
مره واحده شافت الغدر
أصبح الفكر شريد
سكن الخوف جفونها
إحساس تاءه طريد
والأمان م القلب رحل
رعب جواها شديد
والنفوس أتبدلت
لما صبح العبد سييد
والطمع سكن القلوب
والوفاء صبح عنيد
زاغت ودخلت المتاهه
والصحيح صار قعيد
مع أنها هيه هيه
والهم يوم عن يوم يذيد
( أسامه جديانه؟
ليست هناك تعليقات:
إرسال تعليق