بقلم الشاعر"محمد البلاط"

 ما تلموش المبتلى )

اللى خالين ليه لمونى
على طول صبرى وسكونى
وانا اللى الجرح بيا
ومن الدموع ذبلت عيونى

لو قلوبهم ذى قلبى
كانو قدرو يفهمونى
ولو يحسو اللى انا حسو
كان زمنهم يعذرونى

مين فيهم قلبو بكى
مين من الجمر اشتكى
مين اللى بات على نار شوقه
وجوه قلبه معركة

مين اللى اتمنى النهار
يجيى قبل الميعاد
مين اللى محبوس فى غار
مين اللى محروم من الوداد

مين اللى جوه قلبه نار
جمرها مبقاش رماد
على عينهم ليه غبار
قلب محروم من الوداد

ما تلموش المبتلى
يعلم الله باللى فيه
لو بماله كان ثرى
جوه قلبه شىء كويه

غيبة الحبيب نار
وجمرها الانتظار
واللى غاب حبيبو عنه
دمعه ما يكفيه النهار

اللى خالين ليه لمونى
على طول صبرى وسكونى
لو قلوبهم ذى قلبى
كانو قدرو يفهمونى

ما تلموش المبتلى
يعلم الله باللى فيه
لو بماله كان ثرى
جوه قلبه شىء كويه

ما تلموش المبتلى

بقلم محمد البلاط