^*^*^*^*^*^*^*^*^
ياللي الهوا رماك
قل لي رماك على فين
دا أنا والنبي أهواك
وإنت عليك العين
تبعد وأستناك
والصبر أجيبه منين
والقلب داب في هواك
وبس أشكي لمين
حسنك ياأحلى ملاك
ماشفت زيه اتنين
والروح تماللي معاك
يابو العيون حلوين
إياك تفوتني إياك
دا الوصل زين يازين
وإن رحت قلبي وراك
هتروح من قلبي فين
سر الجمال جواك
خلاّنا مش عارفين
تتقل وماأحلاك
والتقل دا على مين
سبحانه من أعطاك
أكتر من التانيين
والله الدلال في لغاك
زود حلاك قيراطين
إرحمني دا أنا باأهواك
وارحم دموع العين
ليست هناك تعليقات:
إرسال تعليق