....
مشهد مُخيف
انك تلاقي أبنك عـ الرصيف
مشلاقي هدمه
ولا لاقي حتي حق الرغيف
مشهد سخيف
انك تلاقي عُــــوده ضعيف
جسمه نحيف
حلمـــــــه صُغير مش كبير
قلبه رهيف
قاسي كتير من غير تفـسير
اصــله فقير
ملــــــهش ظهر ولا نصير
شايفينه حقير
وفارش م الرصيف حصير
حلمه ف هـدمــــــــه
ولقمه مــــن رغيف
اصـــله عفيف
وجــــريمـة اة
انه شـــــريف
الوضع مفجع
الم بيوجـــــع
علقم وحنظل
مشروب فـ كاس
وســــــط الذئاب
هــــــو خـلاص
فين الضــــــمير
ضـميرنا مــات
مخنوق بحبل وصار فتات
اه يا سنين طافحـــة الانين
الم بيوجع م الذكــــــريات
مشهد سخيف
انك تلاقي طفــل عايــش
بين الوحوش
والعدل غاب
اهـات كتيرزي الجيوش
متسلحه بمــــــر السنين
وهموم بتطـرح كل يوم
واضحه يا ناس
علي الوشــوش
يارب حــــوش
مـــــــرالـسنين
هــــم مفطــوم
وعلي الجبين منقـوش
والطفل شاب
حتي المـــرؤة هربت
وراحت للسراب
ركبت نعــــوش
وخلفت لينا العـــــذاب
من غير صـــــــــواب
واتغيرت فينا النفــوس
واتــزيفت كل الحقايق
ورا الوشوش
واتحكمت فينا الفلــــوس
من غيرسبب يالا العجب
وناس كتير مابيرحموش
كــــــــف الحياة غــدار
بيحجب علينا الشــــوف
وبنمشي بالمندار
ونسينا المعروف
مشـــــهد مخيف
مشــــــهد عنيف
ياريت نعـــود لربنا
ياريت نعود لرشدنا
ماهو دول ولادنا ولـحمنا
فيهم سند نا وحلمنا
ياريت يعيشوا وســــــطنا
ماهو دول ولادنا ولـحمنا
صحح يا رب ف وضعنا
ويعـــــود ولادنا لحضننا
صحح يا رب ف وضعنا
......
بقلمي/أحمدالسيدالقاضي
ليست هناك تعليقات:
إرسال تعليق