الحب منّــو فياجـرا وزلّـّوع
ولا عقـل لاطـي تحـت تنّورة
الحب إخـلاص وقلـب موجوع
ونظـرات عالنظــرات مفطورة
الحب إحسـاس ولهيـب ضلـوع
مش شهونـة تلِّــة ولا جـورة
الحب ترنيمـة صـلا ودمــوع
مِنهـا خدود الوجــه محفـورة
وبخّـور فايـح عم يشِّـد طلـوع
حامل دمـوع شمـوع ونـدورة
الحـب يعنـي في جفـن مرفـوع
سهــران مـع عينيـن أمـّورة
ويرسملها حلـم الحلـو الدلّـوع
تا يقلِّهـا بحبِّـك يـا عصفـورة
الحب منّـو من خشـب مصنـوع
ولا هو حِكِـر عا نـاس ميسـورة
الحـب بتـراب الوفــا مزروع
وحـول منّــو أربــع نهـورة
نهر الصدق نهر الثقـة المشروع
ونهر التفانـي ونهــر للشـورى
الحـب ما بشوفـو حبِِـِل مقطوع
إلا مـا بيــن عقـول مغـرورة
ولولا سكـن بيـن العطش والجوع
وقضّـى العمـر بجنـاح مكسـورة
بدرب التحـدي بلِّـف ميِّـة الكوع
تا رجِّــع الإيــام مســرورة
الحـب باقـي للدنـي الينبـوع
مش بس غمـزة بعيـن فرفـورة
بميّ العشِـق والعاطفِـة منقـوع
وباقـي بعيـون الأرض أسطـورة
موقـّع بِريشـة ربّنــا ومطبوع
حتى الخليقـة بظِِّـل هالحرفيــن
تغنِّـي الدِّنـي بالصوت والصورة
ليست هناك تعليقات:
إرسال تعليق