كان المسار،
حاملة امل الحب،
بالزمان والاوان،
بعيونك لحقتي الهمسات الطايرة،
تاتعرفي المقصد و المكان،
شفتي بدر مكتمل،
بليلة كان القمر،
وحدو فوق متلك مش غفيان،
نجوم مشكشكي حبوب لولو،
عساكر معباية الوسع المليان،
غيوم خفيفة تلعب،
وتشكل صور بيضا،
للفن كاملة الاتقان،
وفجأة...!!!
رجفة غريبة بجسمك حسيتي،
الروح والقلب وكل الكيان،
صورة حبيبك على وجه القمر،
منحوتة شفتيه، بيّن وبان،
تاتفهمي شو صار،
والرسم تستوعبي،
بالخيال والفكر اطلقتي العنان،
صوت سمعتي،
للروح مناجاة،
كلام باللحن بتعرفيه،
سمعتيه من زمان،
هيدا كلام الحبيب،
للسمع بالقلب منظوم، مش ممكن تنسيه مهما كان...!!!
بحبك...!!!
اشتقتلك...!!!
ليست هناك تعليقات:
إرسال تعليق