بقلم الشاعر"وليد زكريا يوسف"

أمي يا ست الحبايب
امي يا قلبي الغايب
أمي يا عمري وشبابي
أمي يا لحظة غيابي
أمي يا فرح الصبي
أمي يا دمعت قلب قريبة
أمي بصبح عليك
أمي وحشتني الضحكة اللي في عنيكي
أمي يا قلبي دافي امي مش عاوزك تخافي
وارمي حملك فوق كتافي
أبنك زي الجبال قادر يشيل وزي الوفي وافي
أمي المعاني الحلوة كلها
امي شجرة خوخ بتكفينا كلنا وبنقعد كمان في ضلها
أمي يعني الحلال كنا بنكله من اديها وعمرنا مكلنا حرام
أمي كانت تفضل تطبطب علينا لحد ما بنام
أمي زي الملاك ع الارض شيفينه قدام عينينا بجد مش أحلام
 أمي اللي ربت وشالت وكبرت
أمي اللي عنا عمرها يوم ما تأخرت
أمي اللي عملت كل حاجة لينا. ويارتها أتقدرت
أمي اللي عمرها في وشي مايوم كشرت
أمي اللي عملت كتير لينا وعمرها في يوم ما قصرت
أمي اللي مهما طلبت منها مبتقولش غيرحاضر
وعلشاني باعت حلاقها وعن طيب خاطر
أمي اللي عمرها مشتكت من وجع
أمي اللي لما اشكي ليها تبتسم
وتقولي عارفة انك راجل وجدع
شد حيلك طالع راجل لبوك
خليك راجل وخلي اخواتك يتعلموا لما يشفوك
أمي اللي دايما بتربي فيا يعني ايه رجولة
وعقل ومفهومية. وتحمل ومسؤلية
أمي عمرها مازرعت فيا الاسية غير الحب والحنية
امي حدوته كبيرة أمي يعني شهادة ميلادي
يعني أنا يعني أسمي يعني جسمي
امي فاكرة وعارفة عني كل حاجة
من مولدي لحد الساعادي
أمي اللي صبرها عمرة ما نفذ
وأيمانها بربنا ودعاها لينا دايماً متصل
أمي اللي مهما ببعد عنها بقرب ليها
امي اللي ابيع الدنيا وأشتريها
أمي اللي مليش لاقبليها ولا بعديها
أمي يعني أغلي حاجة عندي
يعني حب بيجري في دمي
أمي يعني كل شئ ساكني
يعني كل حاجة ليا.
بحبك ياأمي بحبك يا أمي
#همس الوليد