حياتي عندهم محسومة
في ايامي غير معلومة
هما تابعينني باللومة
حتى حد الله
حاطين عليه السومة
يشريواه بحفنة مكمومة
هاذو قوم بظماير معدومة
واش الله يتشرى بحفنة مسمومة
انساو الله إعبدو فاللومة
هاذو ناس لبصيرة المسقومة
وقت ارخا إنغزوك بشوكة
وقت الشدة إعيشوك في مطمورة
يا بنادم لا تيق في لسواق مزحومة
لا تشري شرية مشؤومة
لا تيق في لكلاب ولو مربوطة
لا تبقى علة عل الثقة المشموتة
يا داخل سواق انسا راها مفتونة
لا اتيق لمرأة المزحومة
تكسيها بأغلا سومة
يوم تفيق تعود عليك علة مجدومة
لا تيق فلمرا كاملة ومكمولة
تتفتن ببهاها عليك مهمولة
تيق فلمرا البكمة ومكفوفة
القلب ولبصيرة معفوفة
يوم شقاك بيك محفوفة
لوجه المسرار ليه ترتاح بشوفة
يابنادم راه الدنية محسومة
العربي الناصري**
ليست هناك تعليقات:
إرسال تعليق