ك/أحمد عبد الرحمن صالح
~~~~~~~~~~~~
خدتوا إيه من ليل فراقنا
يلي ضيعتوا الاماني
~~~~~~~~~~~~
النهارده خلاص ياقلبي
الجراح سكنت مكاني
~~~~~~~~~~~~
كان هواك ديماً يقولي
إني قلبك مش عشاني
~~~~~~~~~~~~
ليل فراقك هد فيا
وابتدي قلبي يعاني
~~~~~~~~~~~~
ليل نيران هجر وآسيه
قصة سطّرها زماني
~~~~~~~~~~~~
الدموع سكنت عينيا
والجراح طرحت أماني
~~~~~~~~~~~~
لما قلبك ذل فيا
شخص غيري خد مكاني
~~~~~~~~~~~~
ابتديت اكتم مشاعري
واقتل الحب اللي جاني
~~~~~~~~~~~~
كنت بسمه بين عيونك
لما قلبك راح رماني
~~~~~~~~~~~~
كنت ديما بفتكرلك
حلم عاش وياك ثواني
~~~~~~~~~~~~
وابتسم يوم لما اقابلك
وتلاقيني شخص تاني
~~~~~~~~~~~~
شخص سلملك عواطفه
تفتكر لمسة حناني
~~~~~~~~~~~~
زهر عمري أنت قاطفه
يلي قلبك راح رماني
~~~~~~~~~~~~
تفتكر إني اللي بنا
وهم فاضي مش عشاني
~~~~~~~~~~~~
او سطور بين قصه خيبه
البطل فيها غواني
~~~~~~~~~~~~
لا ياعمري قلتهالك
عمري ما اقبل أبقي تاني
~~~~~~~~~~~~
الف مره حلفتلك
يلي سكنتك كياني
~~~~~~~~~~~~
النهارده جيت اعاتبك
بتناديني بإسم تاني
~~~~~~~~~~~~
كل حاجه سايبها ليه
ذكري للجرح اللي جاني
~~~~~~~~~~~~
خود هواك واستغني عني
يلي قلبك مش عشاني
~~~~~~~~~~~~
ليه قبلت تبيع بقسوة
يلي دوقت حناني
~~~~~~~~~~~~
مستحيل هقدر اسامحك
سبني وارحل من مكاني
~~~~~~~~~~~~
ليست هناك تعليقات:
إرسال تعليق