...............................................
عيش حياتك كلها ألبوم صور
ومد إيدك فى السندرة
وسط التاريخ والزكريات
إنسى اللِعَب,إنسى الكوَر
بس هات ألبوم صور
لَملِم معاه كل الصور
لو حتى وقعة مبعثرة
امسح بإيدك أى غبار
لو فيه صورة مغبره
صورة شهادة ميلاد من السبعينات
لسه فاكر كام م العمر فات
وفرحتى بصورة فى ابتدائى
كانت الحياة بلونها وردى وكستنائى
كانت الأمل فى الله لكرة ليس إستثنائى
فى الإعدادية صور شقية
فيها الصحاب وكل ذكرى هلت عليا
فى الثانوى والكلية
صور وذكريات أحلى الصحاب
وإتشكلت لكل مننا صفاته الشخصية
صور العمل وبداية مشوار أسوان
وصور السد
وأحلام وتَطَلع لمستقبل ماله حد
صور النيل والجناين والمتاحف والمعابد
والفرح فى الوجه تغطى الجبين والخد
وورد العمر بيفتح من غير إتفاق ولا وعد
وحشتنى أسوان ووحشنى السد
صور فرحنا والولاد
لِعب ومرحنا فى البلاد
رسينا وإرتحنا
وأولادنا أفراحنا
لنا إمتداد
أخر صوره وأجمل صورة كانت فى إيدى
صور الحرم وعمرتى
مكة ومسجد نبينا سيد الخلق وسيدى
وتلملمت كل الصور بزكريات معطرة
وفى قلب الألبوم عادت للسندرة
وإفتكرنا كل شىء وعشنا فيه
لكن للأسف سنوات بتجرى
ولا يوم يا نفسى هترجعيلى صغيرة
.............................................
د.هشام الفقى
ليست هناك تعليقات:
إرسال تعليق