مسجون
يغرد حزن من
ينظر بحلك
غراب تمره
و تفكه الما
يثور زنادها
مو بايج فشكها
لجن بالساعد
العبره
وإذا ما صهلت
فرس بطراد
لا خيالها خيال
ولا هي تنحسب
مهره
مو مهم لونها
شلون يصير
سمره لو شكره
المهم فعل الزلم
شلون يصير
اذا فزعت ونادت
الحره
الزلم مو شرط
شارب طويل
العكل شتفيد
اذا الروس معفنه
ونخره
الزلم هلهلت اتفاكها
علساتر بنص ليل
ما ينعرف ابن ذي قار
من بن بصره
واهل العماره
كالو لا ما نرد
و بصمو بعشره
إلا ترد موصلنه
وحك العباس
والعتره
النهر الجاري/ جعفر الحسن
ليست هناك تعليقات:
إرسال تعليق