كلام الناس.."بقلم الشاعر د- هشام الفقي"

كلام الناس يا ولدى
لا يودى ولا يجيب
الناس بتتكلم فى الوجوه زين
وتنهش في نفس الشخص
أول يا ناس ما يغيب

ولو مصلحتها عندك
أنت غالى وحبيب
ولو ما فى من وراك فايدة
تُحط عليك وتجيب
ولاينفع يا ولدى الحرام
مهما تلم وتجيب
ولا يبارك فيه ربك
يروح الحرام ويغيب
فرجائى يا ولدى ما تسمعشى
وحرام ياولدى ما تجمعشى
لو سمعت ما تنفعشى
ومن الحرام ما تشبعشى.
....................
د.هشام الفقى