..... غاوي السلوم ......
كل ما النحلة عملت رحلي
غير شفافك ما بستحلي
ذبت عليهم بس بخاف
تعضني بشفافي النحلة
عاشفافك ذاب العناب
واكتر منهم قلبي ذاب
والنحلة الوقفت عالباب
حتى زورهم ما بتسمحلي
وكلتي النحلة بالبيت
ويا ريتا بتعدل يا ريت
كل شي عابابك دقيت
وما كانت مرة تفتحلي
شفافي لشفافك بتصيح
والموسم بلش بالتلويح
والنخلة استحليتا تزيح
كل شي ترجيتا لتزحلي
دلتني النحلة عالشمس
وقالتلي وشوشها همس
فيها تطلع بس اللمس
بعدو لهلق مش مسمحلي
ليست هناك تعليقات:
إرسال تعليق