إعود يا الضايم
ها انا هايم في حياتي هايم
اش حياتي مع ذاك اللايم
القلب المهجور والقهر الدايم
كيف حياتي معاه هو ليا صايم
عكر نهري وهو في بحرو عايم
يسقي عطشي من لغدير كلايم
ول حرو أنا ليه انسايم
ياالمولوع في كيتي
كيف تحيى فالفجر النايم
لاش يا هاجر الخالق للمخلوق قايم
يا متقفي أثار المعتوه طريقو اندايم
ارجوع لله راه الصمت احكايم
بوح الخاطر لأهل المعنة نعايم
لكلام مع لعقل النايم كل اندايم
يا وكال لعسل احذر النحل الصايم
حلاوتو سم لجفا شح اسما وهو غايم
جفت الارض وبخل الصبار لا يوررد
وضحات الحيات صمايم
ها انا هايم في حياتي هايم
آش حياتي مع ذاك اللايم
السان إنقط سم ديما عليا حايم
ما اغوى لهجر غاوي جلاسي عل اجمر نايم
دخانو اسرار اعمات لبصيرة عل لمراصم
هايمة مخنوقة وثقل ازمان دايم
وهن لجفان والحلق بحاح ضاعت لغنايم
حق المضيوم لله إعود يالضايم
العربي الناصري
ليست هناك تعليقات:
إرسال تعليق