بقلم الشاعرة"د- منة حسين"

وداعا يا اعز الناس
حانت لحظة الفركه
كطعت الخيط من هاليوم
ما محتاجه للملكه
ولا ودي وصل وياك
ولا ملهوفة وابحركه
روحي الجانت ابلياك
مثل الرية مختنكه
تتعذب على الصوبين
بين العبرة والشهكه
وهبتك روح من روحي
جانت بيك متعلكه
عانيت القساوه وياك
عشت سنين مختنكه
اسكت والصبر قاطات
واحس الروح محتركه
اغفرلك واكول تهون
اخلي الشمعة معتلكه
ما هزك ضمير البيك
ولا دين المحبه تكول معتنكه
ظالم والظلم وياك
ايد ابأيد وابصفكه
حسافه ضاعت الايام
حسافه اصفرت الوركه
خسران او تظل خسران
مثل كليبي ما تلكه

د. منة حسين