بقلم الشاعر" محمود مصطفى"

( عاميه )
روح الله يسامحك
**************
قسيت بلعبك عليا .
خلتني مبقتش حمل القسية .
الله يسامحك خلتني احبك
والاخر بتغدر بيا .
روح بعيد خليني انساك
واداوى جراحي من غدرك .
تعبت منك .
تعبت من حبي ليك .
انا عشت معاك ايام وليالي
وكان قلبي بيتمنى قربك
والاخر تتعبني بغدرك .
روح الله يسامحك .
الله يسامحك ، ابعد بعيد .
مع اني هفضل احبك .
بس انا مش قادر انسي عمايلك
مش قادر انسى لعبك وغدرك .
اتحملت منك ياما قسيه
وصبرت كتير علي لعبك بيا .
آه منك ومن عمايلك
ليه خلتني ف يوم احبك
خلتني اشوف الهنا وياك
ودوقتني الحب من قلبك
ليه اديتني كل ماعندك
خلتني اسير ودادك وقربك
والاخر تقسى عليا بغدرك
روح الله يسامحك
الله يسامحك ، ابعد عني
روح كلم غيري على راحتك
عيش حياتك سعيد متهني
بس ياريتك تبعد عني
خليني انسى لعبك بيا
خليني اعرف اعيش بعدك
خليني فاكر انى بحبك
خليني عايش على ذكرى قربك
وكل همسة جتني منك
اصل انا هفضل احبك .
روح الله يسامحك .
الشاعر محمود مصطفى
30 / 4 / 2018

2 تعليق