و احنا مش حاسين
هو انتي سايقة
و لا احنا الي سايقين
بنتخانق على الدفة
و احنا مش فاهمين
ان كلنا واحد
و في الأصل بني ادمين
يا مركب العمر هب الريح
و بقيتي عملة زي المراجيح
كلك هم و الكل جريح
طب فين مكانك المريح
شكل كله اتحجز
سامحوني انا أصلي صريح
يا مركب العمر ليه قاعد فيكي ورا
هو انا مش قاطع تذكرة
نفسي مرة أعد قدام
و لا انا مش قد المقام
الموضوع مش بس كلام
ما انتي كراسيكي مكسرة
يا مركب العمر كلك انين
أبويا و أمي راحوا فين
سابوني وحدي
بقيت حزين
نفسي اوصلهم
وحشني الحنين
يا مركب العمر ماشية من غير شراع
هو انتي ضعتي
و لا عمري هو الي ضاع
شكلكم واحد
و انا عايش معاكم في صراع
يا مركب العمر نزليني
مانتي كل يوم بتجرحيني
اوعي تفضلي ماشية
و في الآخر تنسيني
يا مركب العمر وصلنا آخر الخط
بس يا ترى كم واحد منك نط
في النهاية اتمنى الاقيكم
متجمعين في أحلى شط
ليست هناك تعليقات:
إرسال تعليق