بقلم الشاعر"عبد الحليم الرفاعي"

(( جلا جلا تعالى شوف ياوله. تعالى شوف المنظره . ))
*******************************************************************""
صورنى سيلفى ياوله
مهم عندى المنظره
صورنى حلو وعايز وجاهة
يمكن اعجب أى بنت صغيره
إشمعنى انا. تعالى شوف المسخره
تلاقى ناس لو حتى. فى صوان وميتم
قاعدة فيه على جنب ومتصوره
أو وحده قاعده فى فرح
عينيها حلوه أو حتى عوره وقصيره
ولو تخينه ووحشه ومكعبره
المهم صوره حلوه. والسلام : المهم متصوره
تعالى شوف ياوله صور هنا وصور هناك
خلينى اشوف المسخره
الست قاعده عنيها زايغه
البودره مليا وشها صور بقى
قبل الحقيقه المره تظهر بعدها
وانته عارف كل اللى يهمها
تطلع فى صوره الفيس هيه واختها
وياريت ابنها وكمان. صحبتها وأمها
ومطلوب من الكل يقولها.
أيه الحلاوه دى كلها
الله عليكى منوره وكل يوم منوره
زهقنا والله نور كفايه
عايزينا مره مضلمه
علشان نعرف ننام. باعالم ياهوووة
أأقدم لمين. تانى المظلمه
الصوره تبقى مره وفى مناسبه حلوه
للتعارف والأحبة. والاصدقاء
مش النهارده مع حسناء وبكره مع هيفاء
وإحنا هنا تايهين
مع صور. المسئولين
داجنب شجره ودا جنب سبور ه
ودا جنب مين. ومين
جنب حادثه اوجنب جثه.
واقفين ومتصورين
ارحمونا من كتر الصور.
ياساده يا مسئولين
جالنا صداع. وأنتم هناك مرتاحين
خلينا نظهر بأحلى صوره بالعمل
خلى كلامك. أحلى. وهوه يحى. فينا الامل