بقلم الشاعر" العربي الناصري"

سور الغدار
وحكمت لبرار
 شلا اسرار

بينك ؤ بينه تبني لسوار
والمولوع ما كان ليه خيار
ما يعرف يتقن لدوار
هايم متيم يترقب لنوار
 حيلتو فليعتو حلاوتو مع لكدار

يالقلب المعمي كيف مع القهار
يا هاجر الخالق كيف الداوي لضرار
القلب دواه لعذار
والعود مايعاتب المسمار
والشجرة ما تعاتب المنشار
الحكمة حيات كلها عبار
والعالم اصبح حي ؤ دوار
لا تقول راني ساكن وحدي فالدار
لا تطلق السانك بلا وقار
لا تحارب بلا انفار
للمولوع لاش انتا جرار
فالتيه ولقهار
خليه
خليه راضي
بمشموم الصبار
ينتاضر لقدار
الى ما ارماها لبحر
يرميها الواد الهرهار
خليه
خليه لا ترميه للعار
العيشة تحرار
وتعود حكاية للجار
من الجار للجار
تتفشى لسرار
 تخلا الدار

خليه
خليه مادامو سفيه
غاوي هاوي التيه
لاش لفياق فيه
يحرق الدار بما فيه
لكن لا تكون غدار ليه
لا تبني لسوار عليه
خليه حتى يعقل
ويعرف اللي عليه
على طريقو سويه
 هاكذا خيرك أعم عليك عليه

شوف اللي فاقو
آاااش ذاقو
حرقوا الحي بسواقو
اشتاقت الام لولدها وعناقو
اشتاقت الشابة للصبح وشراقو
 اشتاق الصبي لحبل امو ووثاقو

الكذاب سفيه
شحال من طماع ساقو
كيف لهبيل اصفق لشنناقو
يوم الحر
 يطلب العون من خناقو

العربي الناصري**