لأعلـن قصة عشقي واغزل منها حروف
*بخـاف عليك وبخـاف منـك ومن حـبـك
بخـاف عليـك من الحُسـاد في يـوم قـربك
وبـخـاف مـنـك ومن صـدك ومن بُـعـدك
ومن حـبـك في عــز الشــوق وانا جنبـك
*جوه عيني ألف دمعه م البعـاد متحجـره
وألف آهه جـوه قلبي من خـوفي متـأخره
كل خوفي واشتياقي حضنـك انت يطهره
نفسي أقتل خوفي منك بس أيدي قصيـره
*لما اتـوه اعـرف طـريـقـي من عـنيكـي
ان غـبتي عن عـيني فـي قـلبـي ألتـقيكـي
مهـا تـغيبـي عـني يـاعُـمـري ما انسـاكي
ممكن انسي عمري ومش خـايف انساكي
* ليـه الدنيـا بـتـاخـد مـنا و ليه مـا تـدينـا
ليه تجرحنا وليه تحرمنا من افراح ليالينا
انت قُـربك مني فرحه وبُعـدك نار تبكينا
ولو خـوفنـا عـزل بينـا هتجمعنـا أمـانينـا
*طريقى كان مفروش هَنَا والحياة وردي
تسيبني ليه ياجميل وسط الطريق وحـدي
الخـوف قتلني ومش عارف طريق بلـدي
تحـرقني نـار الشوق ودمعـي علي خـدي
*بكفـايه خـوف وبعــاد خليك قـريب مني
انا لو نسيتـك لحظـه أفـراحي تخاصمني
بتغيب أخـاف وأتـوه وروحي تغيـب عني
الخـوف قتلني خليـك قـريب تعاله طمنـي
-------------[مبروك البنا]-------------
ليست هناك تعليقات:
إرسال تعليق