نتفق او نختلف
المهم في النهايه
بتلوميني
اقر بذنبي واعترف
الحب مش بس اتفاق
ولا اختلاف
ولا انك تعيش مختلف
ولا انك تبيع حنيتك
او تتوه في سكتك
او تندمي
او تحاولي بحزنك ترسمي
او تحلمي
بانك خارج نطاقي
وانك خارج حدودي
عفا الله عماسلف
-----------------------
بتقولي اتصدمت
بكل المقاييس
وقال ايه قفلت علي قلبها
كل الترابيس
وانها مريم القديسه
وانا حفيد ابليس
وانها اصدق مافيا
وانها الترياق ليا
واني هموت بدونها
غريق في الهوي
او في البعد غطيس
ياولاد يلا تعالوا
طبلوا... هاللوا
علقوا الزينه
ولعوا الفوانيس
ويا كتاب حرف الهوي
يلا سوا
امسكوا احسن قلم
واكتبوا بدمع والم
يلا افتحوا الكراريس
-------------------------
نتفق او نختلف
البدايه في الحروف
حرف الالف
والنهايه مهما كانت
تختلف
والشمس بعد غروبها
والليالي رغم السواد
اللي في ليلها
والاشواق المره مره
والحلوه مره
اه لو دمعة عيونك
لو تقدر في يوم تشيلها
مره تجيلك
مره تجيلها
المهم انك تعيش
قبح الحياه
مش بس تعيش جمالها
مش بس عاوز حلاوه
لازم تحس بمرارها
-------------------------
احمد عبد الحق
ليست هناك تعليقات:
إرسال تعليق