بسيوني صديق يكتب...قطر الموت

قطر الموت
*********
قالوا زمان
القطر هلكان
وهنجدده 
وهيبقي زي الرهوان
قلنا المطلوب ايه
قالوا التحسين
والسعر يزيد
ويبقي تمام
ركبنا القطر
لقيناه خربان
والشباك متشلح عريان
والبرد بيلسع في القفا
تصبح عيان
والباب من غير باب
واللي يقع ع القضبان
واللي قاعد فوق السطح
من الكمسري طفشان
وكله كوم والباقي كوم
الموت شاهد عيان
ولما تسأل يقولك
يظهر أهمال
ولا المزلقان
والمحولجي
نايم غرقان
او بيتفرج ع الماتش
أو كسلان
سيب الناس تغرق
ماهو كله في التوهان
اه ياقطر الموت
مابتقدرش الا ع الغلبان
*****************************
بسيوني صديق