مهما كنت
*********
لا تفتكر يا خيي انك فريد
ولو كنت رياضي بترفع حديد
من بعد طول العمر والمرجلة
بتتراجع للخلف وبتصفي صديد
مهما كنت مثقف جدير
حامل شهادة وعلم الكثير
واستاذ تعلم العلم الوفير
بساعة الي بتجي فيها ساعتك
بتلاقي حالك ملقح بالسرير
ما بتعرف الخلان والجسم انهدم
وحالتك بالويل ومصفي عدم
وبتصير مثل من الامثال
ما عاد ينفعنا الندم
تعلم التواضع من الرب الكريم
لا المال نافع ولا الكبرة نعيم
شو نفع المال والصحة عدم
وغيرك مرتاح ما معو مليم
الموت ما عندو كبير ولا صغير
والقبر بيفتحلك قلبو الكبير
بيستقبل الزوار ما بيسئل حدا
قديش معك مال او انك فقير
**** بقلم****
مروان العريضي
**** ابو وائل****
26/3/2016
اللهم اني اسئلك الرأفة بالخائفين من الموت لانهم عميانا لا يفقهون
ان الحياة مجرد زيارة نقوم بها فلماذا نتعلق باحلامٍ واهية لا طائلاً منها
ليست هناك تعليقات:
إرسال تعليق