(( و ايه يعني ))
و ايه يعني ،، مادام ،، من قلبه بايعني
و ايه يعني ،، يسيب ايدي ،،
ف وسط طريق ،،، و يمشي ،،
ما هانش ،، عليه ،، يودعني ،،، و إيه يعني
ما جاش ،، علي بالي ،، بالمره ،،
انه ف يوم ،، هايخدعني ،،،، و ايه يعني
قدر مكتوب ،، علي قلوبنا ،، و دا نصيبنا
قدر مكتوب ،، سهامه ،، بترمي ،، و تصيبنا
قدرنا نحب ،،و بنوفي ،، و غيرنا يخون ،، ولا بيكفي
و ايه المضمون ،، في دمع يهون ،،
و جرح في قلب ،،، ما بيكفي
و ايه يعني ،، ولو ،، ولي ،، الزمان ،، منا ،،
و لو حتي السنين ،، إتفرطت ،، بينا
و نزعل ليه ،، علي حالنا ،،و احنا ،، بإدينا فرطنا
مافيش واحد ،، بيشبه ،، حد ،، لكن الدنيا عاندتنا
و خليتنا بنشبه ،، بعض.،، ف الصورة ،،
و حتي الصورة مكسورة
كما المسجون في برواز خوف ،،
بيتفرج ،،، علي الايام
صحيح ف الصوره كان صامت ،،
لكنه ماليه ،،، دموع ،،، و آلام
و اقلب في سنين فاتت و اشكي دموعها للايام
و اطول في الاهات جايز ،، الاقي حد يسمعني
و اكررها و اعيد فيها ،، الاقي الاه ،،، بتوجعني
ما بين حنية ،، أساية و بين دنيا ،، و نساية
و نبرة ف صوتي مخنوقه ،، معايا حتي في صبايا
لا عارف مين ،، ف يوم باعني
و لا شايف ،،، صديق مخلص يرجعني ،، و ايه يعني
بقلم الشاعر / ياسر عبد الحميد ،،،!!!
ليست هناك تعليقات:
إرسال تعليق