قصيده كتبتها فالحرب الاولى
في لبنان واهديتها لاطفال لبنان
قصيده شوي طويله معليش
،،،،،،،،،،،،،،،،،،،،،،،،،،،،،،،،،،،،،،،،،،،،،،،
قاعده تخربش على ورقه
وبأيدها في ملونه زرقه
وسارحا بعيونها لبعيد
بتتنهد وتنهيدتا فرقه
وبقيت ناطرها ثلاث ساعات
عيني تراقب ايدها
ما كنت اقدر حيدها
وكل قصدي كان
اعرف الرسم ال كان
رامي بحالو تحت فية ايدها
طال الوقت يا حلوتي وبعدين
الناطر بينطر يوم او يومين
مدري شو شاغل بالها
مدري شو غيّر حالها
مدري قصد بتريد ظل قبالها
محتار ياقلبي وشو بقدر قول
وعيون محتاره وكل مالها بتجول
مسكت بأيدا ملونه حمرا
وعالرسم حطت اكس عرض وطول
وقامت ومشيت وتركت الورقه
ومشيت صوب الرسم وبْسرقه
يا حسرتي يا غصة الحرقه
عرفت انها راسمه لبنان
يوم اللي كان الحب بالانسان
وكان قصدا ترسمو من جديد
ب ملونه حمرا
ع لون دم طْفال نسيوا العيد
وصاير يا دمُن شرب كالخمره
نزلت دموع العين ع خدودي
قمت اكتبت بيتين شعر وقلت
يا ريت دموع عيوني اكبر من موج الخلجان
اتطفي النار المجنونه المشتعله بأرزة لبنان
وتركتها ومشيت خليتها لعابرين الدرب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
راضي مشيلح
ليست هناك تعليقات:
إرسال تعليق