بقلم الشاعر"ابو وائل"مروان العريضي"

مالت صبية تناغش الساحات
بشعرها الناعم عالكتف شلالات
وخصرها للعين بيقلا قشعي
وللروح تومي بأيدها لمحات

ع جسمها لبست من العز كنزات
وبنطال لاصق مبين القسمات
ومتل الغزالة تسابق اللحظات
ترقص فرح توزع البسمات

تلاقت بشب اشقر الشعرات
تسامروا وتغازلوا وكترة الغمزات
عشاق تنين بالحب تشاركوا
وغاروا عمجد يرووا حكايات

راجعت بحسابي قصص وحكايات
عنتر وعبلة وروميو وجولييت
قيس وليلى وغيرهن بنيات
تحاملوا عالحب وزادت النكهات

ايام عمبتمر وتتغير العادات
وتحلى ليالي السهر والحفلات
ايام الخيل والسيف والحملات
راحت وانطفى عز البطولات
والليل صاير للغوى وقفات
يرحم زمان الماضي
يرحم ايام هاك الوقفات

****بقلم ****
مروان العريضي
**** ابو وائل*