....... بقلم . الشاعر .......
...... غاوي السلوم ........
لا يفرقونا مذاهب وأديان
ويزرعو فينا الانانيّه
هون بدنا نضل بـ سوريا إخوان
من فرد معجن ناكل سويّه
خلقنا شعب من فرد مَيّ وطيْن
علينا ايدين الربّ مرتسمي
لا يشوّهو قدسيّة التكوين
ويفرّقو بين إسمك وإسمي
نحنا في عِنّا عقول عِنّا عيون
ومنعرف الدرب الصحيحة منين
شعب واحد هَون بالوطن بدّنا نكون
مش رح منقبل يعملونا أتنين
لـ قالو تعا ما بين طول وعرض
نقسم الأرض لـ عطرها نَسَّم
قلنا منقبل تقسْمو هالارض
لمّا يصير القلب يتقسَّم
ليست هناك تعليقات:
إرسال تعليق