***^***^***
ليالي علينا
من اعمارنا
بتعدي
ويجيي نهار
نقوم نجري
كما القطر
اللي مايهدي
فينا الفرحان ..
وده نادر
فينا العيان
وبيكابر
فينا الواعظ ..
فينا الفاجر ..
فينا اللي
في آلام الناس
بتشفی وبيتاجر
فينا اللي
ماشي بيفكر
يزق في
رجله بيحرجر
شريد سرحان
ولا دريان
و عربيه وراه
تزمر
حموله كتير
ودينه كبير
بيشكي الهم
للديان
وواحد رجله
يادوب شايلاه
ماشي يشاكل
ف خلق الله
ولو حد عطس
في افاه
هيغمی عليه
ياحول الله
وواحده ماشيه
تحسبها
ما سعر القوطه
غلبها
اجيب كيلو
مش هيقضي
لازم اتنين ..
وخضره لازمه
للسلاطه
ولمونتين
ياربي طيب .. الباميه
هاجيبها منين
اجيب مكرونه ..
بتاخد زيت
وكيلو الزيت
بقي عشرين
اخد كوبايه
من ام ياسين
وشاب ماشي
يتغندر
علي حلوه
عينه تدور
يمشي وراها
ويغلس
علي مشيتها
ب يألس
يقول تعالي نتغدی
كلام وخلاص
ماهو مفلس
فاكر دمه
ياناس شربات
وينسی ان ليه
اخوات
وربك حق
بيخلص
واهي ايام
وبتعدي
فيها افراح
فيها احزان
يوم عندك
ويوم عندي
عصام امام
6/10
2017
ليست هناك تعليقات:
إرسال تعليق