وصغير ومسرار يلعب باجناحيه
ياقدرة مااحلاه لهب مشعالي
وربي زادوا نور فى الوجه مضويه
يتباهى بألوان قوى تهوالي
والتبسام يزيد للزين يحليه
ذ الطير المسرار حرم تعزالي
وخلاني من العالي ننزل ونجيه
متونس وحديث ليها يحلالي
طير الباز ولا حمام نسميه
ياطفلة محفور زينك في بالي
والقلب اللي كان صنديد ملكتيه
ياطفلة ماحب جرحك يبرالي
عجزو اهل الطب ماطاقوش عليه
بغرامك تبليت من عند العالي
لا صاحب لاحبيب نشكي همي ليه
كل نهار يزبد وحشك يقوالي
وماظنيت لي هواكي اتجافيه
ياعصفوري راك قويت هبالي
والهم اللي قاسني لامن يدريه
شفت معاك ايام زينة وليالي
كنت ذاك لخليل اللي قلبي يانس بيه
كنت نظن نعيش نفرح بغزالي
راه الحب يزيد عمرك ويحليه
وحلاوة لغرام تاتي من تالي
تنسى همك يوم محبوبك تديه
حيزية وسعيد هوما مثالي
والهجر اللي قاسهم لامن يدريه
يوم كان العشق في قدرو عالي
عادت ضرك اولادنا تتمسخر بيه
كان العشق يهز فرسان افحالي
والفارس بالروح محبوبو يفديه
عمر الحرة ماتحب عوز الوالي
ومن يعشق بالعين موتو اهون ليه
ليست هناك تعليقات:
إرسال تعليق