والعمر فات ولا
لسه فيه محطات
************
بحلم بساعة صفا...
والقلب مليان دفا
أصحى آلاقى مطبات
*****************
قاعد ومستنى
ولا عمرى متهنى
أصل الحياة متاهات
**************
والتوهة وخدانى
والدمعة منعانى
وبيبكى قلبى ساعات
***************
صابر على حالى
عايش وأنا بعانى
وأندم على اللى فات
***************
عايش بالطول والعرض
ولاطايل سما ولا أرض
وآهى كلها أزمات
***************
ساعات باضحك كتير
وساعات أفضل اسير
للوحدة بالساعات
**************
أصرخ بصوت مخنوق
تايه وامتى ح أفوق
والحزن بقى مرايات
***************
أحلامى مرفوضة
وكلامى مش موضة
راحت عليك سلامات
****************
قطر الحياة ولى ...
والعمر فات ولا
لسه فيه محطات
************
Nasser Elsayed Ahmed
ليست هناك تعليقات:
إرسال تعليق