بقلم الشاعر" ناصر السيد أحمد"

مسير الحى يتلاقى
مسير الحى يتلاقى .....
دى قلوبنا صابرة ومشتاقة
مسيرنا نتقابل تانى.....
ولو ضاع منى عنوانى
لفيت شوارع لفيت حارات.....
وتعبت من كتر الآهات
دلينى على طريقك بقى ....
ده انتى علمتينى طعم الشقى
أمتى ح ييجي بقى اللقى ....
بعد سنيين متفرقة
ده انتى الوطن وانتى الحبيب....
يالا أخرجى م الشرنقة
محدش شاف صبية حلوة متزوقة....
صابرة وآبية وللفرح دايما متشوقة
أنا عقلى تاه ورموشى دبلت م البكا....
ومهما حاصلى أنا قلبى عمرى ما أشتكى
مسير الحى يتلاقى
مهما تطول السنين هعرفك ...
مهما يزيد الآنين هشرفك
ده الزعفران هو ترابك...
وولادك واقفين على بابك
مستنيين لحظة ندى ....
وأنتى أكيد متأكدة
أن إبنك ده حامى حدودك ....
وهيمسح الدمع على خدودك
ويضحى بنفسه لوجودك.....
وهيحمى نيلك وسدودك
طال الانتظار وأنا مستنى ....
تيجينى فى يوم بقى وتحنى
بحبك موت مع إنى ....
تعبت معاكى من صغر سنى
مهما تطول السنين هعرفك....
مهما يزيد الآنين هشرفك
أمتى هييجيى بقى اللقى ....
بعد سنين متفرقة
محدش شاف صبية حلوة متزوقة ....
صابرة وآبية وللفرح دايما متشوقة
مسير الحى يتلاقى

Nasser Elsayed Ahmed