صعبان عليا يا قلبي
و محتار قوي في الناس
عمرك ما قادر تخبي.
حبك لناس مش ناس
٢/وتدور علي الحبايب
ماتت خلاص يا زمان
ومعادشي لا حب صايب
ولا عاد ثقه في انسان
٣/يا خسارة يا حب عمري
ضيعت حب الزمان ده
وكان حبك جوة دمي
و رد جميل المودة
بتسيبني وشفت غيري
وبعت خلاص المحبه
٤/اما الناس والصحاب
مصلحه دلوقتي والله
وفي الشده الكل غاب
ومش معاك في الموره
في الحلوة يجرو عليك
وفي وقت الجد بره
٥/خلاص فاض بيا والله
ومعاد في قلبي خلاص
ولا كلمه هاقولها حلوه
بعد اللي شفته يا ناس
قلبي انجرح ميت مره
وحزين علي الاخلاص
٦/ مش قادر اكون زيهم
ببيع اقرب ما ليا
ولا قادر اكون منهم
دول ضحكو كتير عليا
بدعيلهم والله فعلا
لو يوم يصفو النيه
ويحبو ومش تسالي
واشيلهم انا في عنيا
٧/كلام كتير ف قلبي
ومين هايحس بيه
كفايه بقول يا ربي
وهو اللي قادر عليه
يخلص والله حقي
وانا راضي بحكمه ليه
ودايما هاقول ياربي
وماهثق غير بس فيه
موال من جوه قلبي
...............................
بقلمي رمضان القاضي
تحريرا في 2018/3/23
ليست هناك تعليقات:
إرسال تعليق