مابقتش أحلم ياناس خلاص الحلم ضاع
وتاه منى الطريق وضاع منى الشراع
ده انا كنت زمان باحلم وكان حلمى على آدى
والسنين بتجرى أوام وبتسرع ولا تهدى
والحلم لسه مجاش لابأيدك ولا بيدى
والنوم راح من عينى وإتشتت أفكارى
وأنا أعمل ايه يازمن يا تعبنى ليل ونهارى
والدنيا واقفة قصادى حتى حبايبى معاندانى
مابقتش احلم ياناس خلاص الحلم ضاع
وتاه منى الطريق وضاع منى الشراع
وباحاول أحلم تانى لكن مفيش فايدة
وتعبت خلاص ياناس وف قلبى نار آيده
وأدينى قاعد ومستنى ييجى الحلم يطمنى
فاتت سنين وسنين وتعبت ماهو غصب عنى
ياحلم يامخنوق أصرخ بقى فى الدروب
سمعنى بقى صوتك قبل ماييجي الغروب
وتنطفى شمعتك وتوه خلاص سكتك
وتضيع ويا السنين وتزيد معاه أسوتك
مابقتش أحلم ياناس خلاص الحلم ضاع
وتاه منى الطريق وضاع منى الشراع
Nasser Elsayed Ahmed
ليست هناك تعليقات:
إرسال تعليق