بقلم الشاعر " مجدي أحمد محمد"

لا انتي ولا غيرك
كتر الف خيرك
قلبي الخالي عايز يبقي
خالي وما لهوش اي سابقه
وان قدرتي عليه دا يبقي 
 كتر الف خيرك

قلبي لما شاف جمالك
والهيام اللي ف خيالك
والحنين اللي ف عنيكي
للحبيب الأولاني
فضل يهرب م المسابقه
خاف لتبقي علينا سابقه
وان قدرتي عليه دا يبقي
 كتر الف خيرك

انتي عملتي اللي عليكي
بس بردو نصيحه ليكي
روحي للي كان شاريكي
قلبي بايع ما اشتراش
واحنا نفضل زي ماحنا
بينا حب واوفياء
بينا حب وحب اجمل
 بس ح نكون اصدقاء

بقلمي \ مجدي احمد محمد