بقلم الشاعر حسين حجازي"

يلي بنظرة عيونك عم تقتليني
يلي جمالك عم يدوب حنيني
يلي ب حلاكي ما شفت ستات
يلي بشرحة عيونك عم تدبحيني

يلي شعرك على كتافك خصلات
يلي وجك قمر ب ليالي السكيني
يلي خدودك ب لون هالوردات
يلي شفافك عسل ومنهم طعميني

يلي بياضك ابيض من التلجات
يلي حنانك متل اﻷم اﻷميني
يلي بتتغنجي و بتلبقلك الغنجات
يلي بغنجك و دلالك عم تدوبيني

ربي يجعلك السعاده بكل اﻷوقات
ونشالله ما بيوم شوفك حزيني
انا بقدملك حبي و الك بالذات
وانت امانه حافظي على حبي
حتى اقهر كل سكان المديني

الشاعر حسين حجازي