اللى عشت ف ضلها
بتحبنى وبحبها
والحب
عندى يابلادى
عمره ماكان للأسف
اوقات فراغ
ولا كان هنا
انا الحب عندى يابلادى
ياااااااااااااااااابلادى دام
على مر الزماااااان
57 سنة
مسماااااااااااااار
فى نعش السلطنة
------------------- والقصيدة / تراتيل فى عشق الوطن ** الشاعر / سمير الغمراوى
** افتح ببان قلبك
قولها براحتك
قول م القلب ماتخافشى
داحنا اللى ولا قبلها
ولا بعدها
دى عظيمة ماتهابشى
عايشين بناكل
بنسهر - ننام
لأ وهى ماتنامشى
ماتقول ونبه بقى
واقفل ببان الراحة
وافتح شبابيك الشقى
هاتروح شمال
وانا اروح يمين
واحمد جمال
مع بنيامين
وف اسرة متعايشين
ومهما يفرقنا الزمان
فى حجرها بنلتقى
نبه ولاد الشوم
الحق لازم يوم
راجع وللمظلوم
ايه اللى ناقص بقى ؟
علشان نطمنها
والناس نأمنها
وللا انت مش منها ؟
حولتها لمحرقة
***********
وكارت أحمر
ولحظة حداد
على الواد
اللى عمره ماخافش
بلون اسمر خطفنى الواد
بلاد الله مابتلفقش
واحنا نيام
نتوه ونفوق
على كوابيس
بدال احلام
على الأوهام
ننام مانفوقش
كفاية نحط عالدنيا
على الزمن اللى مابيديش
ياخاين عشرتى فى ثانية
ومابينفعش وياك عيش
بتنسى اللى حماك عسكر
نسيت اللى حماك ده الجيش
عساكر مين ياكوم خاينين
يادود فى التبن
مش باينين
*******
يمين الله ولو بايدى
لأعلقكم شمال فى يمين
ياصم
عميتوا مش شايفين
ده من دبابة كلتم عيش
مانيش فاهم غبائكو لمين ؟
عداءكم عار
سنين تهميش
ياتعابين
خدعت الأحرار
كدبتوا وقلتو من الثوار
ونازلين
عالبشر تشويش
سنين بتنتشوا فى دمى
دا مين مصرىى و مالوش
ولو عيلين فى الجيش
ماتصحى وفوق
ياأهبل جحش
ياوحش
بماسك بنى آدمين
*********
ورد الأعتبار للعرص
يفضل عرص
عشان يشبع ويتمتع
ياخاين مصر
أخص عليك
ونورها عنيك
ماهيش سايباك وبتبرطع
وبعد ماعشت من خيرها
بقى جى فى قلبها تقطع
وتركع للى ياعها وباع
سنين الصبر عالأوجاع
وماع مع شله واستقطع
على امك تستنطع
وجى بخيانته ماهو مألوف
وراح بخيانته يوم ملهوف
يقطعع فيها يستمتع
ويشرب دم يتكرع
ولا شايف
ولا سامع
وجوة حزننا مقطع
********
خروف
مع غيره م الخرفان
بتضمر غدر باستهجان
ولا نافع معاه انسى
ولو جبناله مليون جنان
ومين باعها ومين خانها
ومين على اهلها خوان
ياكوم اباليس
يافكر خسيس
قميص ناصر مع الأخوان ؟
طوفان الحقد قومكم فقوانا
ومها الغدر هايعينكم
فرب العرش ويانا
جبان لو كنت مش حاسس
معاك شيطان
فى توب انسان
شيوخ بدقون
لكن بقلوبها شيطانة
*******
حماكى الله
ياست الحزن يابلدى
فداكى تهون
علينا الروح
فداكى مالى او ولدى
ننادى وهى بتردد
ماهى الأم اللى حسانا
ماهى الحضن اللى لمانا
فى عيدك عمرى ماانسى شهيد
زرع احلامة جوانا
معاكى نكمل المشوار
يامصر وربنا معانا
-------------------------------- سمير الغمراوى
ليست هناك تعليقات:
إرسال تعليق