بقلم الشاعر" المخرج عادل عز"

قلبي البريئ

عاوزك تفوق م الي انت فيه
وانسي الي فات
وكفايه علي نفسك كده
جرح واهااااات
حبك خلاص ف الدنيا دي
قتلك وماااات
بتقول بحبه داحب غيرك
وتقول داطيري ولا هوه طيرك
قلبي البريئ
..........
اسكت بقي وانسي الوجع
دا العمر فات
هعمل صوان
والم فيه كل القلوب الطيبه
واعلن وفاتك من بعيد
وف كل حته قريبه
وانده واقول انا هدفنه
قلبي البريئ
...........
بين التراب انا..هسجنه
كان نفسي مره اعلمه
كره البشر
ازاي يعيش ديما وحيد
وازاي يكون زي الحجر
لو كان ف ايده الف ايد
يسيبهم يروح عند القمر
قلبي البريئ
............
يزرع قلوب غيرالبشر
قلوب تدوب زي المليكه
مش من البشر
ولا اقلك علي شئ جديد
احسن كده انك تموت
والنبض يطويه السكوت
عمرك كده ولا كده
كان راح يفوت