******
ما فيها جديد
*************
عجل افتح هالدكان
وعطيني علبة دخان
صرلي واقف من زمان
بلد ما فيها امان
نزلت لعندي الجارة
ما في معها ولا بارة
سرقت من جيبي الليرات
وفضحتني بالحارة
وطل علي ابو فلان
بدو شي علبة دخان
صار يطق وصار ينق
راح اخذ معو الفنجان
طلت وحدة صبية
عندا عقدة نفسية
قالتلي صباح الخير
وسرقتلي الصينية
ركبت السيارةبكير
نازل شغلي مع تأخير
وقفتني الدورية
بركب جانح ولا بطير ؟
يا عمي شو عمبيصير؟
حجزولي السيارة
اخّذوني عالنظارة
نفَضولي جيابي
قالو ماشي طيارة
يا عمي شو هالمصير
اللبناني معتر تعتير
مابيلحق يقبض معاش
الدولة بتلاقيلو تدبير
عنا مدارس عنا ولاد
ضرايب عا قد بلاد
والدولة متل الجراد
سرقة وتشليح وتجريد
وهالدولة ما فيها جديد
**** بقلم ****
مروان العريضي
**** ابو وائل****
٤/٢/٢٠١٥
ليست هناك تعليقات:
إرسال تعليق