بقلم الكاتبة"رجاء المعايطة"

 

#ترشيد_الإستهلاك

كل الستات مجبرين ببيوتهم التوفير وترشيد الاستهلاك ..بالمي بالكهربا بالمصاري..... إلخ 

بس عمرك فكرتي ب ترشيد استهلاك نفسك !!؟
 انا رح احكيلكم كيف !

*لا تستهلكي اعصابك ((بالزعل)) من كل إشي او على أي إشي ..وفري قوتك واعصابك لأشياء بتستاهل ..لأنه رح تيجيكي ايام لا سمح الله تحتاجي فيها اعصابك و قوتك لإشي اكبر واهم !

*لا تستهلكي قلبك وتتمادي بعواطفك ..لا تسمحيله يتعلق أو يحب زياده او يمكن يكره زياده (كلنا قلوبنا خذلتنا إن كان بالحب أو بالكره )! و وفريه لعواطف ومشاعر اكبر واحلى وبتستاهل! 💖

*لا تستهلكي جسمك بالشغل والتعب طول النهار وآخر الليل تكوني تعبانه ومو قادره حتى انك تشربي فنجان قهوتك ! لانه الشغل عمره ما بخلص .. نظمي حياتك واعطي جسمك وقت يرتاح عشان توفريه لوقت تحتاجي فيه تكوني قويه 😉

*لا تستهلكي عيونك ودموعك لأي سبب ما بستاهل لأنه بوقت لما تحتاجي دموعك فيه ما رح تلاقيهم ..رح تكوني نشفتيهم عالفاضي وعلى ناس مو مستاهله
وفريهم وخليهم ينزلوا دموع فرح وضحك 😍

يارب ولا وحده فيكم ما تشوف ولا يوم تبكي فيه وتكون كل ايامكم غرقانه بدموع السعاده والفرح 😂😂😂
💖💖💖
~💖(وفري بكل إشي إلا ضحكتك وبسمتك وراحتك)💖~