بقلم الشاعر"وليد زكريا يوسف"

لحظة سكون
بسأل نفسي انا ايه في الكون
أنسان مظلوم مليان بهموم
أول مصحي لحد مروح في نوم
أنا نور وغيوم...................
عاقل مجنون صادق كداب
مبسوط جدآ حاسس بعذاب
انا شيك جدا محتاج لهدوم
انسان عريان ماشي علي القطبان
محبوب جدآ جوه الاحزان
عايش حاكم علي روح مظلوم
عفريت واقف بجوار معدوم
أنا خيط مشدود وطريق مسدود
أنا ازاز مكسور في طريق مهجور
عايش يأس من شعاع النور
انسان عايش في سرداب محتوم
محروم من النوم وعليه تبكي
جفون وعيووون .........
انسان فنان طيب وجبان
وبخاف جدآ لجرح انسان
مطرب تلفان....................
شاعر ندمان تاه في العنوان
شايف نفسي عايش اوهام
وسط الزحمة تلميذ خيبان
بحاول أفتح شبابيك وبيبان.
بظلم نفسي واجي علي روحي
وانا في الاصل انسان غلبان
محتاج لحنان لوحتي كلام
انا من الأخر...
عمري ماحسيت يوم بأمان

#همس الوليد