عارفة يا غالية يا أمي
من بعدك زاد قوي همي
ردي يا أمي جاوبيني
يا روحي ونور عيني
هو إنتي هتجيني ?
الأحسن للقاكي تدعيني
قلبي بيرقص لما أشوفك
تحضني وجهي بين كفوفك
فاكرة لما كنتي عليا بتخافي
تمشي يدك الحنونة فوق كتافي
قلبك نهر م الطيبة والحنان
قلب طاهر قلب صافي
قلب يديني الراحة والأمان
عيشت طول حياتي جوة خيرك
كنت ألقى راحتي فوق سريرك
السرير كان هو صدرك
رغم تعبك كان يطول عليا صبرك
بس بأشوفك ليلاتي في الخيال
عارفة إيه بيوجعني
ومهما شبعت يجوعني
إن رجوعك
أصبح ضرب م الخيال
إبنك ومحتاجلك
ليه قصر أجلك
عارفة يا غالية
حياتي بعدك بقت خالية
ياريتك ليا تعودي
وتحمي من تاني حدودي
عصام الباز
ليست هناك تعليقات:
إرسال تعليق